FURSA UNAZOWEZA KUTENGENEZEA KIZAZI CHAKO KWA WEMA UNAOUTENDA LEO

FURSA UNAZOWEZA KUTENGENEZEA KIZAZI CHAKO KWA WEMA UNAOUTENDA LEO

Na Samuel Sasali

Wema Ni Akiba, Wema Hauozi... Mara nyingi sana ni rahisi kumfanyia wema yule ambaye amekufanyia wema ama una amini anaweza kukufanyia wema hapo baadae. Ni nadra sana kutenda wema kwa mtu aliyewahi kukutendea uovu ama ubaya ama ambaye unaamini atakufanyia ndivyo sivyo.

Wema ni akiba kubwa sana katika maisha. Hakuna aliyepata thawabu kwa kuwafanyia wema wale ambao humfanyia wema. Watu ambao hawakutarajiwa kufanya wema wakifanya wema ama wakifanyiwa wema hugeuka kuwa jambo la kujifunza. mwisho wa siku Asiyetarajiwa ndiye hutenda wema.

Huwezi jua unayemsaidia leo kwenye maisha atakuja kuwa nani. Na usifanye wema ukitarajia kwamba pia utatendewa wema. Tenda wema nenda zako. Wema ni akiba nzuri sana. Mara kadhaa nimewahi kutana ambao wamefaidi wema uliofanywa na Wazazi wao.

Kuna fursa utawatengenezea kizazi chako kwa wema unaoutenda leo. Usitende ubaya wakati una uwezo wa kutenda wema. Usinyanyase wengine kwa sababu ya NAFASI uliyonayo leo.

 Cheo ni dhamana. Wema wako ni akiba isiyooza. Huwezi jua watu wangapi wanafaidika na kunufaika kwa kile unachokifanya hata kama hakuna anayekuambua.

Kuna tofauti ndogo sana ya Kutenda wema na Kutafuta Sifa. Usifanye kitu ili uonekane watu wakukubali. Ukitenda wema ni mbegu isiyokufa hata kama katika wakati wa uhai wako haitachipua.

Kuna fursa kadhaa nimepata kwa sababu ya Wema wa Wazazi wangu kwa watu Kadhaa. Kwenye Harusi yangu nilipata Support kubwa pia sababu Wazazi wangu waliwekeza kwenye Maisha ya Watu. Nini unawekeza kwenye maisha ya watu na kwafaida ya nani.

Wema ni akiba isiyooza, kwa kutenda wema tunawapalia makaa ya hatia wale waliodhani hatutawatendea wema. Hakuna funzo lolote linapatikana kwa kutenda wema kwa mtu aliyekutarajia.